Djoronbu forsa

Cultura

Txon seku águ txorotidu

Mosinhus ta dugudja karastia

Ta djoronbu bentu pa ndoxa bida.

Kabalinha dja pasa nha gibera

Atun ta ba orópa tonelada

Kenha ki Sabi kantu?

Nka ta bai praia nen si n áta mori...

Governantis ta roda mundu riba kanporta.

Un o dos ka dja txigaba sina padas di papei?

Tudu bes ki subidu puleru

Toki ta muda, konbersu ta bira so di lonji

...tantu dum banda tantu di kel otu.

Mas un kusa e sertu:

Un dia es kusa ta muda

Pabia pulitika ka ten ki ser xúxu.

Avê kabuverdi tartarugadu

Nta fla-u nta tonda fla-u

Nu ta muda bu distinu.

SOBRE O AUTOR