• Praia
  • 29℃ Praia, Cabo Verde
Orrôtu i piditoriu pá txuba
Cultura

Orrôtu i piditoriu pá txuba

 

Oxi mas ki kes otus dias ki tenpu desagua pá tras

Sol finalmente pidi txuba,

na ton kalmu di kemadura pá dentu

Igual ku kes xintimentu ki ta ardi lá pa d'aruela di korason,

batimentu ô kanson

Sol ten paxon insistente

Sima nosentesa di kel homi libertinu ki ta papia na dialetu bakan,

ora ki kai dia ô txuba é és me ki ten isenson

na pingus di txuba ô rabulisu kordadu

na boka kruxa ki ta tra segredus di kantu di odju pa aduba fé.

Oxi mas ki passadu,

txuba txiga atrasadu na kes piditorius koxu

na lingua di gentis ki fasi kes águ disprinda kontentamentu,

era mesmu arti i xintimentu ben simiadu.

Nhu filicianu era Un ansion brabom na padjigal

mesmu ku rostu di badiu skaldiadu

ora ki propi sol ntendi má dialetu di berdeanu é piditoriu di txuba.

Si ka ben nhu filisianu dja avisaba má biku dês viagi é nos me ki ta toma.

És fika sen xinti kaminhu di kes kaprinu

di kabalindade mansu na meiu di ratxa dedus marcadu pá sinal di kristu.

Era senpri El,

kel homi kabra matxu ki propi krus bira boka largu

i Un kanela protegidu pá kes boka sinu silenciosu.

Tenpu é uniku mudansa na bokal sol,

sol é kel mundu trenpadu,

na meiu di es tera seku pa dentu i feliz pa fora

ora ki propi sol perdi razon, é txuba ki sta pá ben.

Partilhe esta notícia

SOBRE O AUTOR

Redação