Pub
Por: AJ Lopes

arlindo lopes1

Nta Sai na kutelu n txoma-u

Manda mininu longa-m un pitada sal

Si bu ba pilorinhu fosi konpra pa nos tudu

 

Bota-m odja na mininus

N áta ba djunta mo ku kunpadri

Un garafa leti di gasadju

Mantenha tudu kaminhu

ku"Diós djuda-nu" sinseru

 

Funku pikinoti mas ta gasadja mundu interu

Kasaku papai ta casa munti noibu

Kel poti, kel kaneka feruxadu...

Tudu xeio di Amor, xeio di bida.

 

Gosi ki nu mostradu un rikesa sen tutanu

Amizadi ten presu monetariu

Casa grandi dispensa di matéria

Rostu bonitu sen tempu pa un surisu.

 

Pabia nos obidu intxidu di rabolisu

Nu furtadu tempu , nu tradu sosegu

Mas si nu atxa un sigundu pa nu munda ...

Nu ta duspi korpu nu ta bisti alma.

Comentários  

0 # Marciano Moreira 04-11-2018 00:31
Un forma inovativu di aborda mudansas, rialsandu kes aspetu bon i mau di kada piriudu di nos Storia resenti! Bravu!
Responder
+1 # Elsa Furtado 03-11-2018 20:04
Ta ritrata realidadi atual mas ku spwransa ma na Santiago nu ka ta perdi nos iaensia ki e Djunta no. Parabéns pa autor.
Responder